Patak

Alas dos ng madaling araw, hindi makatulog ang inyong lingkod sa kadahilang may dinaramdam siya 3 araw ng inaapoy ng lagnat si zeb. Sa pagkakataong iyon kailangan ng matulog para makabawi ng lakas,makapag pahinga at kinabukasan ay araw nanaman ng trabaho, oo kailangan din kumayod at magbanat ng buto ni zeb para naman may pang tustos siya sa mga pangagailangan nya sa buhay.

Pinatay na ang ilaw sa loob ng kwarto, binuksan ang lamp shade para may liwanag parin na natatanaw. Ang sarap sa pakiramdam ang unti unting paglapat ng likod ni zeb sa kanyang malambot na kama. Aminin mo bro walang ibang kasing sarap ang paghiga sa sarili mong higaan lalo't pagod na pagod ang iyong katawang lupa.

Lumipas ang ilang minuto, paiba iba ng posisyun sa higaan hinahanap ang tamang pwesto para mahimbing ang tulog, lumipas ang isang oras...ikalawang oras...ikatlong oras... Lintyak yan gising na gising parin ang diwa ni zeb.hay buhay.

Kailangan pakalmahin ko ang magulong utak ko 'peace of mind' kumbaga... Hayun sa wakas nadale sa focus! Dis is it! Dis is it! Makakatulog na din ako sa wakas.

tak...tak...tak...tak...tak...tak... Leche ang gripo sa CR di na isarang
mabuti.tak....tak....tak...tak...tak...tak....tatayo ba ako para isarang mabuti ang gripo o papabayan ko nalang.

Patuloy ang pagpatak ng tubig sa gripo hanggang sa naging malumanay na sa aking pandinig ang patak ng tubig sa gripo na kanina lamang ay nakakairita sa pandinig na parang lamok na paikot ikot sa tenga.

Posibleng sa mga inaakala nating mga bagay na nakakairita sa atin ay magbibigay pala ng kahinahunan sa ating pag-iisip.